Мадриднинг «Реал» клуби ярим ҳимоячиси Дани Себальос ёзги трансфер ойнасида сотиб юборилиши мумкин.

Испаниялик футболчи жорий мавсум якунланганидан кейин жамоадан кетишга тайёр — у ўзи учун қадрдон бўлган «Бетис» клубига қайтишни афзал кўрмоқда, дея хабар беради Diario AS нашри. «Қаймоқранглилар» томонидан белгиланган нарх севилияликлар учун муаммо туғдириши мумкин: «Реал» 29 ёшли футболчи учун 15 млн евро талаб қилмоқда, ваҳоланки унинг шартномаси келаси йили ўз ниҳоясига етади.

Transfermarkt порталида Дани Себальоснинг бозор қиймати 8 млн евро деб кўрсатилган. Жорий мавсумда ярим ҳимоячи Мадрид гранди сафида 22 та ўйинда иштирок этди, бироқ самарали ҳаракатлар билан ажралиб турмади. Футболчи жароҳати сабабли февраль ойидан бери майдонга тушмаяпти.