Италия футбол федерацияси президенти Габриэле Гравина мамлакатнинг барча асосий футбол тузилмалари вакилларини муҳокама учун чақирди. TMW порталининг хабар беришича, асосий мавзу Федерациянинг келажаги ва Гравинанинг президент сифатидаги тақдири бўлади.
Ҳозирда унинг лавозими сўроқ остида турибди. Сиёсатчилар Гравинани очиқчасига танқид қилишмоқда, спорт вазири эса уни истеъфога чиқишга чақирди. Бунга Италия терма жамоасининг Жаҳон чемпионатига чиқиш учун кечган ўтиш ўйинларида қаторасига учинчи бор мағлубиятга учрагани сабаб бўлди. Жамоа пенальтилар сериясида Босния ва Герцеговинага имкониятни бой берди.
Сенатор ва «Лацио» президенти Клаудио Лотито аллақачон Италия парламентида Гравинанинг истеъфосини қўллаб-қувватлаш учун имзо йиғишни бошлаб юборган.
