«Ал-Ҳилол»га тегишли бўлган ва ҳозирда ижара асосида «Барселона»да тўп сураётган ҳимоячи Жоау Канселу «Бенфика»га қайтиши мумкин.
Diario SPORT нашрининг хабарига кўра, 31 ёшли футболчи ўзи тарбияланган «Бенфика» клубига ўтиш имкониятини кўриб чиқмоқда. Агар футболчи шу ёзда Саудия клубини эркин агент сифатида тарк этса, «Барселона» ҳамон унга умид боғламоқда. Бироқ Канселу ўз қадрдон жамоасига қайтишни орзу қилади.
Эслатиб ўтамиз, Жоау Канселу 2012 йилдан 2015 йилгача «Бенфика» шарафини ҳимоя қилган. Жорий мавсумда португалиялик футболчи «кўк-анорранглилар» сафида 12 та ўйинда майдонга тушиб, битта гол урди ва тўртта самарали узатмани амалга оширди.
