«Интер» марказий ҳимоячиси Янн-Аурель Биссекк яқин орадаги ўйинларда Милан жамоасига ёрдам бера олмайди. «Нерадзуррилар» мухлислари учун ушбу нохуш хабарни Sky Italia нашри тарқатди.

Манбанинг маълумотларига кўра, германиялик футболчининг ўнг сон соҳасидаги мушаклари енгил чўзилгани ташхис қилинган. Ушбу жароҳат сабабли Биссекк А Сериянинг 31-туридан ўрин олган «Рома»га қарши баҳсни ўтказиб юборади. Шунингдек, ҳимоячи 32-турдаги «Комо» билан ўйинда ҳам иштирок этмаслик хавфи бор.

Биссекк 2023 йилнинг ёзидан бери «Интер» шарафини ҳимоя қилиб келмоқда. Италия жамоаси таркибида у жорий мавсумда 30 та ўйинда майдонга тушиб, иккита гол урди ва учта самарали узатмани амалга оширди.