«Inter» markaziy himoyachisi Yann-Aurel Bissekk yaqin oradagi o‘yinlarda Milan jamoasiga yordam bera olmaydi. «Neradzurrilar» muxlislari uchun ushbu noxush xabarni Sky Italia nashri tarqatdi.

Manbaning ma’lumotlariga ko‘ra, germaniyalik futbolchining o‘ng son sohasidagi mushaklari yengil cho‘zilgani tashxis qilingan. Ushbu jarohat sababli Bissekk A Seriyaning 31-turidan o‘rin olgan «Roma»ga qarshi bahsni o‘tkazib yuboradi. Shuningdek, himoyachi 32-turdagi «Komo» bilan o‘yinda ham ishtirok etmaslik xavfi bor.

Bissekk 2023 yilning yozidan beri «Inter» sharafini himoya qilib kelmoqda. Italiya jamoasi tarkibida u joriy mavsumda 30 ta o‘yinda maydonga tushib, ikkita gol urdi va uchta samarali uzatmani amalga oshirdi.