Леверкузеннинг «Байер» клуби «Кристал Пэлас» бош мураббийи Оливер Гласнерга қизиқиш билдирмоқда. Бу ҳақда Bild нашри хабар бермоқда.

Манбанинг маълумотларига кўра, австриялик мутахассис «Байер» раҳбарияти томонидан мураббийлик пости учун асосий номзод сифатида кўрилмоқда. Леверкузен клуби бошлиқларининг фикрича, у жамоанинг ҳозирги устози Каспер Юльманн ўрнини эгаллаши мумкин.

Маълумки, Гласнер мавсум якунида «Кристал Пэлас» бош мураббийи лавозимини тарк этади. Шу билан бирга, мутахассис Англиядан кетмоқчи эмаслиги қайд этилган.

Эслатиб ўтамиз, Гласнер аввал ҳам Германияда фаолият юритган. У Франкфуртнинг «Айнтрахт» ва «Вольфсбург» жамоаларини бошқарган. Шу ёзда австриялик мураббий 52 ёшни қарши олади.