Германия терма жамоасининг собиқ бош мураббийи Йоахим Лёв яқин орада фаолиятини қайта тиклаши мумкин.
66 ёшли мутахассис Гана терма жамоаси билан келишувга яқин турибди, деб хабар бермоқда Topskills Sports UK. Немис мураббийига бўлажак Жаҳон чемпионати якунига қадар мўлжалланган қисқа муддатли шартнома таклиф қилинган.
Яқинда Гана миллий жамоаси бош мураббийи лавозимидан Отто Аддо истеъфога чиқарилган эди. Бўлажак мундиалнинг гуруҳ босқичида африкаликлар Панама, Англия ва Хорватия терма жамоаларига қарши баҳс олиб боришади.
Эслатиб ўтамиз, Йоахим Лёв 2021 йилда Германия терма жамоасини тарк этганидан бери мураббийлик фаолиятига қайтмаган эди. 2014 йилда у «Бундестим»ни Жаҳон чемпионлигига етаклаб келган.
