«Сантос» ҳужумчиси Неймар БразилияА Серия баҳсларида яна самарали ҳаракати билан ажралиб турди.

34 ёшли футболчи тўққизинчи тур доирасидаги «Ремо Белем»га қарши баҳсда (2:0) голли узатмани амалга ошириб, жамоасининг ғалабасига ҳисса қўшди. Шу тариқа, юлдуз футболчи ҳисобида Бразилия чемпионатининг 4 та ўйинида жами 5 та самарали ҳаракат — 3 та гол ва 2 та ассист мавжуд. Қизиғи шундаки, ушбу натижаларнинг барчаси охирги тўртта ўйинда қайд этилди, бунгача эса форвард жароҳатини даволаш билан банд эди.

Айни пайтда Бразилияда Неймарнинг бўлажак Жаҳон чемпионатига чақирилиши борасидаги муҳокамалар тинмаяпти. Тахминларга кўра, Карло Анчелотти футболчини мундиал қайдномасига киритмаслиги мумкин, бироқ ҳужумчининг ҳозирги спорт формасини ҳисобга олсак, воқеаларнинг ижобий ривожи ҳали ҳам истисно этилмаган.