Нуфузли италиялик журналист Жанлука ди Марцио Массимилиано Аллегрининг Италия миллий терма жамоаси бош мураббийига айланиши мумкинлиги ҳақидаги миш-мишларга муносабат билдирди. У Аллегрини мавжуд номзодлар ичида энг кучлиси деб ҳисоблайди.
«Аллегри — Италия терма жамоаси устози эга бўлиши керак бўлган барча фазилатларнинг идеал уйғунлигидир. У ишончли, тажрибали ва юмор ҳиссига эга. Биз учун шундай мураббийга эга бўлиш айни муддао бўларди. Аммо мураббийларнинг клублар билан амалдаги шартномаси бўлса, уларни у ердан суғуриб олиш одатда жуда мушкул кечади», — дея ди Марциодан иқтибос келтирмоқда pianetamilan.it.
Эслатиб ўтамиз, Италия терма жамоаси кетма-кет учинчи бор Жаҳон чемпионатининг финал босқичига йўлланма ололмади.
