Nufuzli italiyalik jurnalist Janluka di Marsio Massimiliano Allegrining Italiya milliy terma jamoasi bosh murabbiyiga aylanishi mumkinligi haqidagi mish-mishlarga munosabat bildirdi. U Allegrini mavjud nomzodlar ichida eng kuchlisi deb hisoblaydi.
«Allegri — Italiya terma jamoasi ustozi ega bo‘lishi kerak bo‘lgan barcha fazilatlarning ideal uyg‘unligidir. U ishonchli, tajribali va yumor hissiga ega. Biz uchun shunday murabbiyga ega bo‘lish ayni muddao bo‘lardi. Ammo murabbiylarning klublar bilan amaldagi shartnomasi bo‘lsa, ularni u yerdan sug‘urib olish odatda juda mushkul kechadi», — deya di Marsiodan iqtibos keltirmoqda pianetamilan.it.
Eslatib o‘tamiz, Italiya terma jamoasi ketma-ket uchinchi bor Jahon chempionatining final bosqichiga yo‘llanma ololmadi.
