«Милан» клуби чап қанот ҳимоячиси Давиде Бартезаги жамоадоши Лука Модричга таъриф берди.
20 ёшли италиялик футболчи, «россонерилар»нинг бошқа вакиллари каби, 40 ёшли хорватиялик юлдузнинг маҳоратига қойил қолмоқда.
«Модрич — буюк футболчи. Ундан ўрганадиган нарсаларимиз жуда кўп — хоҳ машғулотларга бўлган ёндашув бўлсин, хоҳ майдондан ташқаридаги ўзини тутиши. Буларнинг барчаси жуда муҳим», — деди Бартезаги «Милан» клубининг расмий каналига берган интервьюсида.
Эслатиб ўтамиз, Лука Модрич ўтган йилнинг ёзида эркин агент сифатида «Милан» сафига келиб қўшилган эди. Италияга келишидан олдин ярим ҳимоячи 13 йил давомида Мадриднинг «Реал» клуби шарафини ҳимоя қилган.
