Transfermarkt портали жаҳон футболидаги энг қиммат ҳужум чизиғи вакилларини эълон қилди. Рейтингнинг биринчи поғонасини бир вақтнинг ўзида уч нафар юлдуз эгаллади: Ламин Ямаль («Барселона»), Эрлинг Холанд («Манчестер Сити»), Килиан Мбаппе («Реал Мадрид»).
Ушбу футболчиларнинг ҳар бири портал томонидан 200 миллион еврога баҳоланмоқда.
Рейтингнинг иккинчи поғонасида «Реал Мадрид» ва Бразилия терма жамоаси аъзоси Винисиус Жуниор жойлашди. Вингернинг бозор қиймати 150 миллион евро этиб белгиланди.
Учинчи ўрин эса Мюнхеннинг «Бавария» клуби ҳужумчиси Майкл Олисега насиб этди — 140 миллион евро.
