«Ан-Наср» ҳужумчиси Криштиану Роналду Саудия Арабистони чемпионати 27-туридан ўрин олган «Ан-Нажма»га (5:2) қарши ўйиннинг энг яхши футболчиси деб топилди. 41 ёшли португалиялик юлдуз учрашувда дубль қайд этди: у 73 ва 86-дақиқаларда рақиб дарвозасини ишғол қилди. Ўйиндан сўнг унга махсус соврин топширилди.
Роналду жорий мавсумда барча турнирлар доирасида жами 26 та ўйинда майдонга тушиб, 22 та гол урди ва 4 та голли узатмани амалга оширди.
Футболчининг амалдаги шартномаси 2027 йилнинг ёзига қадар мўлжалланган. Transfermarkt портали ўйинчининг бозор қийматини 12 миллион еврога баҳоламоқда.
