«Пари Сен-Жермен» вингери Хвича Кварацхелия ҳамон «Манчестер Юнайтед»нинг қизиқишлар доирасида қолмоқда.
«Қизил иблислар» таркибни қайта қуришни режалаштиришган ва трансферлар учун катта маблағ сарфлашга тайёр. MatchDay Central нашрининг хабарига кўра, Кварацхелияни сотиб олиш инглиз грандининг асосий мақсадларидан бири ҳисобланади. Тез орада манкунианликлар потенциал келишувни муҳокама қилиш учун грузиялик футболчининг вакиллари билан боғланиши кутилмоқда.
Transfermarkt портали Хвича Кварацхелиянинг бозор қийматини 90 миллион еврога баҳоламоқда. 25 ёшли ўйинчининг «ПСЖ» билан шартномаси 2029 йилгача мўлжалланган. Аввалроқ, парижликлар юлдузига Лондоннинг «Арсенал» клуби ҳам қизиқиш билдираётгани ҳақида хабарлар тарқалган эди.
