«Барселона» Италиянинг «Кальяри» клубида тўп сураётган қанот ҳимоячиси Марко Палестрага қизиқиш билдирмоқда. Бу ҳақда машҳур журналист Николо Скира хабар берди.
Манбанинг маълумотларига кўра, бир неча кун аввал «кўк-анорранглилар» скаутлик бўлими вакиллари 21 ёшли футболчининг ўйинини кузатиш учун Италияга ташриф буюришган.
Палестра «Кальяри» сафида ижара асосида ҳаракат қилмоқда. Мавсум якунида у «Аталанта» ихтиёрига қайтади. Жорий мавсумда Палестра барча турнирларда 29 та учрашувда майдонга тушиб, битта гол ва тўртта голли узатмани амалга оширди.
Яқинда ҳимоячи Италия миллий терма жамоасида ҳам дебют қилган эди.
