«Барселона» Маркус Рэшфорднинг клубда қолиши мақсадга мувофиқ эканлигига шубҳа қилмоқда.
Каталония гранди инглиз футболчисини жорий мавсум якунига қадар «Манчестер Юнайтед»дан ижарага олган эди. Аввалроқ «кўк-анорранглилар» футболчини олиб қолиш учун барча имкониятларни ишга солиши тахмин қилинганди, бироқ сўнгги вақтларда вазият ўзгарди. Журналист Ферран Корреаснинг хабар беришича, «Барселона» 28 ёшли футболчининг ўйинидаги пасайишдан хавотирда, шу сабабли бозорда муқобил вариантларни қидиришни бошлаган.
Маълумки, яна бир муаммо Рэшфорднинг юқори маоши билан боғлиқ. Вингернинг ўзи Каталонияда қолишни истайди, аммо катта эҳтимол билан ўз қадрдон клубига қайтишга мажбур бўлади.
