«ПСЖ» бош мураббийи Луис Энрике Гонсалу Рамушнинг кўрсатаётган ўйини ҳақида ўз фикрини билдирди.
Кеча, 3 апрель куни парижликларнинг марказий ҳужумчиси «Тулуза»га қарши баҳсда (3:1) гол уришга муваффақ бўлди. Ўйиндан кейинги матбуот анжуманида Энрике португалиялик футболчига кўпроқ ўйин амалиёти бериш кераклигини тан олди.
«Бугун Рамуш 5 дақиқа ўйнади ва гол урди. У доимо [таркибдан жой олиш учун] курашади ва бу ҳайратланарли. Менинг унга нисбатан қилаётган ишим адолатсизликдир ва у ўз ўйини билан менинг хато қилаётганимни исботламоқда», — деди испаниялик мутахассис.
Рамуш 2024 йилдан бери «ПСЖ» шарафини ҳимоя қилиб келмоқда. Жорий мавсумда 24 ёшли ҳужумчи барча турнирларда 39 та учрашувда майдонга тушиб, 12 та гол урди ва 2 та голли узатмани амалга оширди.
