Аргентиналик мутахассис Маурисио Почеттино Роберто Де Дзербининг Лондоннинг «Тоттенхэм» клуби бош мураббийи этиб тайинланишига норозилик билан муносабат билдирди.
Give me Sport журналистларига маълум бўлишича, инглиз клуби раҳбариятининг ушбу танлови мураббийни хафа қилган. Почеттино «Тоттенхэм»га қайтишга қарши эмас эди, бироқ клуб Де Дзербини тайинлашни афзал кўрди.
Эслатиб ўтамиз, Маурисио 2014 йилдан 2019 йилгача Лондон жамоаси бош мураббийи лавозимида ишлаган. Ҳозирда мутахассис АҚШ терма жамоасини бошқармоқда.
«Тоттенхэм» АПЛнинг жорий мавсумида лигада жон сақлаб қолиш учун курашмоқда. «Шпорлар» 30 очко билан турнир жадвалида 17-ўринни эгаллаб турибди.
