Ўтмишда «Реал» сафида тўп сурган машҳур германиялик футболчи Сами Хедира «қироллик клуби» учун янги номзод танлади.
Экспертнинг фикрича, Мюнхеннинг «Бавария» клуби вингери Майкл Олисе Мадрид клуби учун идеал вариант ҳисобланади.
«У "Реал" учун жуда мос тушади. Агар "Мадрид" унинг номзодини жиддий кўриб чиқмаётган бўлса, бу жуда ғалати. Олисе комплекс ечим таклиф қила олади ва клубнинг келажакдаги қарашларига тўлиқ мос келади», — дея Хедиранинг сўзларини Marca нашри келтирмоқда.
Жорий мавсумда франциялик ҳужумчи Германия чемпионати доирасида 25 та ўйинда майдонга тушиб, 11 та гол урди ва 19 та голли узатмани амалга оширди. Transfermarkt портали Олисенинг трансфер қийматини 140 миллион еврога баҳоламоқда.
