O‘tmishda «Real» safida to‘p surgan mashhur germaniyalik futbolchi Sami Xedira «qirollik klubi» uchun yangi nomzod tanladi.
Ekspertning fikricha, Myunxenning «Bavariya» klubi vingeri Maykl Olise Madrid klubi uchun ideal variant hisoblanadi.
«U "Real" uchun juda mos tushadi. Agar "Madrid" uning nomzodini jiddiy ko‘rib chiqmayotgan bo‘lsa, bu juda g‘alati. Olise kompleks yechim taklif qila oladi va klubning kelajakdagi qarashlariga to‘liq mos keladi», — deya Xediraning so‘zlarini Marca nashri keltirmoqda.
Joriy mavsumda fransiyalik hujumchi Germaniya chempionati doirasida 25 ta o‘yinda maydonga tushib, 11 ta gol urdi va 19 ta golli uzatmani amalga oshirdi. Transfermarkt portali Olisening transfer qiymatini 140 million yevroga baholamoqda.
