Италия миллий терма жамоаси футболчилари Босния ва Герцеговинага қарши учрашув олдидан ҳар бирига 10 минг евро миқдорида индивидуал бонус тўлашни сўраган. Улар ушбу мукофотни жамоа Жаҳон чемпионатига йўлланма олган тақдирда олишни истаган. Бироқ Италия футбол федерацияси ўйин бошланишидан аввал бу талабни рад этган, деб хабар бермоқда La Repubblica.
Италия терма жамоаси Босния ва Герцеговинага қарши саралаш ўйинида мағлуб бўлди — 1:1 (пенальтилар сериясида 1:4). Ушбу мағлубият италияликлар учун Жаҳон чемпионатлари доирасидаги учинчи кетма-кет омадсизликка айланди.
2026 йилги футбол бўйича Жаҳон чемпионати 11 июндан 19 июлга қадар АҚШ, Канада ва Мексикада бўлиб ўтади.













