«Манчестер Сити» ҳужумчиси Эрлинг Холанд Англия Кубоги чорак финали доирасида «Ливерпуль»га қарши кечган баҳсда (4:0) хет-трик қайд этди.

Норвегиялик футболчи битта пенальтини аниқ амалга оширди ва икки бор ўйиндан гол урди. Ушбу хет-трик Холанд учун 2022 йил ёзида «Манчестер Сити»га ўтганидан бери барча турнирлардаги 12-си бўлди. Бу ушбу давр мобайнида кучли бешлик лигалари футболчилари орасидаги энг яхши натижадир.

Холанд бу кўрсаткич бўйича «Бавария» форварди Харри Кейнни ортда қолдирди. Кейн ҳисобида мазкур вақт оралиғида 11 та хет-трик мавжуд.

Жорий мавсумда Холанд барча турнирларда 44 та учрашувда майдонга тушиб, 33 та гол урди ва 7 та голли узатмани амалга оширди.