"Ливерпуль" Англия Кубоги чорак финалида "Манчестер Сити"га 0:4 ҳисобида йирик мағлубиятга учради. Шу тариқа, мерсисайдликлар Арне Слот бошчилигида 11 йил аввалги Брендан Роджерс давридаги антирекордга яқинлашиб қолди.
Opta Sports маълумотига кўра, «Ливерпуль» жорий мавсум барча мусобақаларда 15 марта мағлуб бўлди. Бу кўрсаткич 2014/2015 мавсумидан буён энг ёмони бўлиб, ўша пайтда Брендан Роджерс қўл остида жамоа 18 марта ютқазган эди. Таъкидлаш жоиз, Юрген Клопп даврида бундай ҳолат умуман кузатилмаган.
Аввалроқ, Арне Слот бошчилигида «қизиллар» жорий мавсум Англия Кубоги, мамлакат Суперкубоги ва Англия Лига Кубогида бир мартадан мағлубиятга учраган. Шунингдек, жамоа ҳисобида АПЛда 10 та ва Чемпионлар лигасида 3 та мағлубият мавжуд.













