Бельгиялик футбол сеҳргари Кевин Де Брюйне Италия терма жамоасининг навбатдаги бор жаҳон чемпионатига чиқа олмагани — навбатдаги фиаскоси ҳақида ўз фикрини билдирди.
«Менимча, Европада футбол даражаси ўсиб бормоқда. Кичикроқ жамоалар, кичик мамлакатлар терма жамоалари тобора тез-тез номдор жамоаларга қаршилик кўрсата олмоқда ва муносиб жавоб қайтармоқда. Италия учун жаҳон чемпионатида кетма-кет иштирок этмаслик — бу ҳақиқий фалокат. Аммо энди ҳеч нарсани ўзгартириб бўлмайди», — дея бельгиялик футболчининг сўзларини келтирмоқда calcionapoli1926.it.
Эслатиб ўтамиз, Италия терма жамоаси тўрт карра жаҳон чемпиони ҳисобланади. Охирги марта улар йигирма йил аввал — 2006 йилда олтин медалларни қўлга киритишган эди.
