«Манчестер Сити» ярим ҳимоячиси Бернарду Силва фаолиятини «Барселона»да давом эттиришга тайёр.
«Шаҳарликлар» сардори каталонияликлар грандига аллақачон оғзаки розилик берган, деб хабар бермоқда El Nacional. 31 ёшли футболчи мавсум якунида эркин агент сифатида жамоани тарк этиши мумкин — унинг амалдаги шартномаси шу йилнинг июнь ойида ўз ниҳоясига етади.
Бернарду Силва 2017 йилдан бери «Манчестер Сити» шарафини ҳимоя қилиб келмоқда. Жорий мавсумда ярим ҳимоячи Хосеп Гвардиола жамоаси сафида барча турнирларда 43 та ўйинда майдонга тушиб, ўз ҳисобига учта гол ва бешта голли узатмани ёздириб қўйди. Миш-мишларга кўра, португалиялик юлдузга «Ювентус», «Милан» ва «Галатасарой» клублари ҳам даъвогарлик қилмоқда.
