«Manchester Siti» yarim himoyachisi Bernardu Silva faoliyatini «Barselona»da davom ettirishga tayyor.
«Shaharliklar» sardori kataloniyaliklar grandiga allaqachon og‘zaki rozilik bergan, deb xabar bermoqda El Nacional. 31 yoshli futbolchi mavsum yakunida erkin agent sifatida jamoani tark etishi mumkin — uning amaldagi shartnomasi shu yilning iyun oyida o‘z nihoyasiga yetadi.
Bernardu Silva 2017 yildan beri «Manchester Siti» sharafini himoya qilib kelmoqda. Joriy mavsumda yarim himoyachi Xosep Gvardiola jamoasi safida barcha turnirlarda 43 ta o‘yinda maydonga tushib, o‘z hisobiga uchta gol va beshta golli uzatmani yozdirib qo‘ydi. Mish-mishlarga ko‘ra, portugaliyalik yulduzga «Yuventus», «Milan» va «Galatasaroy» klublari ham da’vogarlik qilmoqda.













