«Барселона» бош мураббийи Ханс-Дитер Флик Мадриднинг «Атлетико» клуби устидан қозонилган ғалабадан (2:1) сўнг Ламин Ямал ҳақида ўз фикрини билдирди.

18 ёшли вингер учрашувда ёрқин ўйин намойиш этди, бироқ самарали ҳаракатлар (гол ёки ассист) билан ажралиб тура олмади.

«Ламин бироз жаҳли чиқди, чунки у қўлидан келган барча ишни қилди, лекин гол ура олмади. Бу шунчаки ҳис-туйғулар, ҳаммаси жойида. Ҳозир у кийиниш хонасида, аҳволи яхши», – дея Фликнинг ўйиндан кейинги интервьюсидан иқтибос келтирмоқда Barca Universal.