«Барселона» Ла Лига доирасидаги навбатдаги иродали ғалабасини қўлга киритди. Ханс-Дитер Флик шогирдлари Мадриднинг «Атлетико» жамоасига қарши баҳсда дастлаб гол ўтказиб юборган бўлса-да, иккита гол билан жавоб қайтариб, уч очкони қўлга киритди.
Opta маълумотларига кўра, «кўк-анорранглилар» жорий мавсумда мағлубиятга учраётган ўйинларида жами 21 очкони ўз томонига оғдириб олишга муваффақ бўлган. Бу Европанинг кучли бешлик чемпионатларида «Бавария»дан (22 очко) кейинги иккинчи кўрсаткичдир.
Эътиборлиси, Мюнхен клуби ўша куни бундан ҳам ёрқинроқ камбэкни амалга оширди: улар «Фрайбург» билан баҳснинг 81-дақиқасигача 0:2 ҳисобида имкониятни бой бера туриб, ҳакам томонидан қўшиб берилган вақтдаги иккита гол эвазига 3:2 ҳисобида ғалаба қозонишди.
