Лондоннинг «Арсенал» клуби бош мураббийи Микель Артета ҳимоячи Габриэль дос Сантоснинг жароҳати борасида ўз фикрлари билан ўртоқлашди. Бразилиялик футболчи «Саутгемптон»га қарши кечган кубок баҳсини (1:2) охиригача етказа олмади ва 72-дақиқада захирага олинди.
«Менимча, у ниманидир ҳис қилди. Айнан нима эканлигини ҳозирча аниқ билмайман. Биз унинг ҳолатини баҳолашимиз керак, бироқ шуниси аниқки, агар футболчининг ўзи алмаштиришларини сўраса, бу ҳеч қачон яхшиликдан далолат бермайди», — дея Артетанинг сўзларини келтиради журналист Фабрицио Романо.
Жорий мавсумда 28 ёшли Габриэль дос Сантос барча мусобақаларни инобатга олганда 39 та ўйинда майдонга тушиб, ўз ҳисобига тўртта гол ва бешта голли узатмани ёздириб қўйган.
