«Лос-Анджелес» ҳужумчиси Сон Хён Мин МЛС доирасида «Орландо Сити»га қарши кечган баҳснинг (6:0) бош қаҳрамонларидан бирига айланди.
33 ёшли футболчи жамоадошларига тўрт бор голли узатмани амалга оширди, эътиборлиси, барча ассистлар ўйиннинг 20-дақиқасидан 39-дақиқасигача бўлган оралиққа тўғри келди. Жанубий кореялик футболчининг узатмаларидан сўнг учта ҳолатда Денис Буанга рақиб дарвозасини ишғол қилди. 58-дақиқага келиб, ҳисоб 5:0 кўринишида бўлиб турганда, иккала футболчи ҳам захирага олинди.
Сон Хён Мин ўтган йилнинг август ойида «Тоттенхэм»дан «Лос-Анджелес» сафига МЛС учун рекорд даражадаги 22 млн евро эвазига кўчиб ўтган эди. Юлдуз форвард жорий чемпионатнинг энг яхши ассистентлари рўйхатида пешқадамга айланиб олди — эндиликда унинг ҳисобида олтита учрашувда олтита голли узатма мавжуд.
