Лондоннинг «Арсенал» клуби шов-шувли трансферни амалга оширишга тайёргарлик кўрмоқда. «Канонирлар» ўз стратегиясини ўзгартиришни режалаштирмоқда: клубда инглиз футболчиларидан иборат мустаҳкам ўзак яратиш ниятидалар, деб хабар беради Football Transfers.
«Ньюкасл» вингери Энтони Гордон асосий мақсад сифатида белгиланган. Расмий таклиф мавсум якунланганидан кейин юборилиши кутилмоқда. «Қарғалар» ўз юлдузи билан хайрлашиш ниятида эмас, бироқ жамоа Чемпионлар лигасига йўлланма ололмаган тақдирда, сотув масаласини кўриб чиқишга мажбур бўлиши мумкин.
Transfermarkt баҳосига кўра, Энтони Гордоннинг бозор қиймати 60 млн еврони ташкил этади. Англия терма жамоасининг 25 ёшли футболчисига «Ливерпуль» ва «Манчестер Юнайтед» клублари ҳам қизиқиш билдирмоқда.
