«Тоттенхэм»нинг янги бош мураббийи Роберто де Дзерби аслида бошқа жамоани бошқаришга тайёр бўлган.
Италиялик мутахассис «шпорлар» билан келишувга эришишдан аввал «қизил иблислар»га мурожаат қилиб, мавсум якунида Майкл Каррикнинг ўрнини эгаллашга тайёрлигини билдирган, деб хабар бермоқда Transfer News Live нашри talkSPORT’га таяниб. Манкунианликлар эса бунга қизиқиш билдиришмаган: мураббийга унинг номзоди кўриб чиқилмаслиги маълум қилинган.
«Тоттенхэм» 31 март куни Роберто де Дзерби тайинланганини эълон қилди. Аввалроқ 46 ёшли мутахассис Франциянинг «Марсель» клубида ишлаган ва февраль ойида у ерни тарк этган эди.
Лондон жамоаси Премьер-лиганинг 31-туридан сўнг турнир жадвалида 17-ўринни эгаллаб турибди ва хавфли ҳудудда бораётган «Вест Хэм»ни атиги бир очкога ортда қолдирмоқда.
