"Челси" ярим ҳимоячиси Мойсес Кайседо жамоанинг жорий мавсуми ҳақида гапириб ўтди.
— "Челси" анча ғалати мавсумни бошдан кечирмоқда. Клублар ўртасидаги жаҳон чемпионатида ғолиб чиқдик ва тўсатдан Мареска кетиб, ўрнига Росеньор келди... Кўплаб ўзгаришлар бўлди ва бу, шубҳасиз, кийиниш хонасидаги муҳитга таъсир қилди.
— Ҳа, бу бир оз қийин, чунки биз услубига ўрганиб қолган мураббий билан ишлаётган эдик. Лекин энди биз билан Росеньор.
Мослашиш бир оз мураккаб кечяпти, бу ҳақиқат. Аммо биламанки, янги нарсага кўникиш учун вақт керак, холос. Ҳечқиси йўқ, баъзан тезроқ, баъзан эса бир оз кўпроқ вақт талаб этилади. Ўйлайманки, бутун жамоа ҳозир қийин даврни бошдан кечирмоқда. Биз олдинга ҳаракат қилишда давом этишимиз ва бу мавсумни ирода билан якунлашимиз керак, чунки олдинда бизни кўплаб ажойиб воқеалар кутмоқда", — деди Кайседо.
