"Chelsi" yarim himoyachisi Moyses Kaysedo jamoaning joriy mavsumi haqida gapirib o‘tdi.
— "Chelsi" ancha g‘alati mavsumni boshdan kechirmoqda. Klublar o‘rtasidagi jahon chempionatida g‘olib chiqdik va to‘satdan Mareska ketib, o‘rniga Rosenyor keldi... Ko‘plab o‘zgarishlar bo‘ldi va bu, shubhasiz, kiyinish xonasidagi muhitga ta’sir qildi.
— Ha, bu bir oz qiyin, chunki biz uslubiga o‘rganib qolgan murabbiy bilan ishlayotgan edik. Lekin endi biz bilan Rosenyor.
Moslashish bir oz murakkab kechyapti, bu haqiqat. Ammo bilamanki, yangi narsaga ko‘nikish uchun vaqt kerak, xolos. Hechqisi yo‘q, ba’zan tezroq, ba’zan esa bir oz ko‘proq vaqt talab etiladi. O‘ylaymanki, butun jamoa hozir qiyin davrni boshdan kechirmoqda. Biz oldinga harakat qilishda davom etishimiz va bu mavsumni iroda bilan yakunlashimiz kerak, chunki oldinda bizni ko‘plab ajoyib voqealar kutmoqda", — dedi Kaysedo.
