«Ньюкасл» клуби 24 ёшли уругвайлик ярим ҳимоячи Мануэль Угарте билан шартнома имзолаш имкониятларини кўриб чиқмоқда. Бу ҳақда CaughtOffside нашри хабар бермоқда.
Угартенинг «МЮ» билан шартномаси 2029 йил ёзигача мўлжалланган. Бироқ футболчи учун жорий мавсум муваффақиятсиз кечди. Уругвайлик футболчи қишки трансфер ойнасидаёқ жамоани тарк этмоқчи бўлган эди, аммо ўша пайтда клуб бу ўтишга тўсқинлик қилган. Инсайдерларнинг таъкидлашича, ёзда Угартенинг жамоадан кетиш эҳтимоли жуда юқори.
Жорий мавсумда ярим ҳимоячи «манкунианликлар» сафида 23 та ўйинда майдонга тушди, лекин бирорта ҳам натижали ҳаракатни амалга ошира олмади. «Қарғалар» эса майдон марказини айнан шундай курашувчан футболчи билан кучайтиришни режалаштирмоқда.
