«Манчестер Сити» ҳужумчиси Антуан Семеньо жамоадоши Райан Шеркини мақтаб ўтди.

Шанба куни «шаҳарликлар» Англия Кубоги чорак финали доирасида ўз майдонларида «Ливерпуль»ни тор-мор этишди (4:0). Голлардан бирига Шеркининг узатмасидан сўнг Семеньо муаллифлик қилди.

«Райан — дунёдаги энг яхши футболчилардан бири. У тўп билан истаган ишини қила олади ва бу менинг ишимни жуда осонлаштиради. «Манчестер Сити»даги илк машғулотимда унинг трюкларини кўрганим ҳамон ёдимда. Ўшанда: «Бу қандай ўйинчи ўзи?» деб ўйлаб қолгандим. Юқори даража», — дея Семеньонинг сўзларини келтиради Topskills Sports UK.

Келаси якшанба, 12 апрель куни Хосеп Гвардиола жамоаси «Челси» билан тўқнаш келади.