«Арсенал»нинг собиқ футболчиси Иан Райт Лондон клубининг Англия Кубогидаги муваффақиятсизлигига муносабат билдирди.
Шанба куни Микель Артета шогирдлари Англия Кубоги чорак финалида кутилмаганда Чемпионшип вакили «Саутгемптон»га имкониятни бой берди (1:2).
«Премьер-лига якунигача еттита ўйин қолди... ва сен чорак финалда «Саутгемптон»ни мағлуб эта олмаяпсанми? Айнан шундай лаҳзаларда сенинг чемпионлик учун ҳақиқатда қанчалик тайёр эканлигинг кўриниб қолади», — деди Райт.
Англия Премьер-лигаси турнир жадвалида «тўпчилар» 70 очко билан биринчи ўринда боришмоқда. «Арсенал» иккинчи поғонадаги «Манчестер Сити»ни 9 очкога ортда қолдиряпти.
