Мадриднинг "Реал" клуби ярим ҳимоячиси Эдуардо Камавинга, катта эҳтимол билан, мавсумлараро танаффус пайтида жамоани тарк этади.
"Қаймоқранглилар" эндиликда франциялик футболчини "даҳлсиз" деб ҳисобламаяпти – клуб уни келаётган ёзда сотишга тайёр. Футболчининг ўзи эса аллақачон фаолиятини давом эттириш учун турли вариантларни ўрганмоқда, деб хабар бермоқда Marca. Энг эҳтимолий сценарий сифатида 23 ёшли ярим ҳимоячининг Англия Премьер-лигаси клубларидан бирига ўтиши айтилмоқда.
Transfermarkt экспертлари Эдуардо Камавинганинг бозор қийматини 50 миллион еврога баҳоламоқда. Жорий мавсумда футболчи "Реал"нинг барча турнирлардаги 35 та ўйинида иштирок этиб, ўз ҳисобига иккита гол ва битта голли узатмани ёздириб қўйди.
