"Наполи" марказий ҳужумчиси Расмус Хёйлунд фаолиятини "Барселона"да давом эттириши мумкин.
Barça Universal нашрининг хабар беришича, "кўк-анорранглилар" Италияда муваффақиятли мавсумни ўтказаётган 26 ёшли даниялик футболчини диққат билан кузатиб боришмоқда. Қайд этилишича, ҳозирча Хёйлунд "Барселона"нинг асосий трансфер мақсадлари қаторига кирмайди, бироқ унинг айни дамдаги спорт формаси, айниқса ёшини ҳисобга олганда, каталонияликларда катта таассурот қолдирмоқда.
Хёйлунд жорий мавсумни "Наполи"да ижара асосида ўтказмоқда. Унинг шартномаси "Манчестер Юнайтед"га тегишли, аммо мавсум якунланганидан кейин ҳужумчи катта эҳтимол билан доимий асосда Неаполга кўчиб ўтади.
"Наполи" таркибида Хёйлунд барча мусобақаларда 37 та ўйинда майдонга тушди, 14 та гол урди ва тўртта голли узатмани амалга оширди.
