"Барселона" Мадридда 2:1 ҳисобида ғалаба қозониб, "Реал" билан орадаги фарқни етти очкога етказган бўлса-да, Ламин Ямал "Атлетико"га қарши ўйиндан сўнг майдонни маҳзун ҳолатда тарк этди.
The Touchline нашрининг Catalunya Radioга таяниб хабар беришича, "Барселона" клуби Ямал "Атлетико" мухлисларининг хатти-ҳаракатлари туфайли ғазабланган деб гумон қилмоқда. Мадрид клуби ишқибозлари ўйин давомида Ламинни ҳақорат қилишган ва унга нисбатан ҳурматсизлик кўрсатишган.
Эслатиб ўтамиз, аввалроқ ижтимоий тармоқларда "Атлетико" стадиони трибуналаридан Ямал шаънига айтилган ҳақоратлар эшитилган видеолар тарқалган эди.
"Барселона" ўзининг навбатдаги ўйинини 8 апрель куни — ўз майдонида Чемпионлар Лигаси доирасида яна "Атлетико"га қарши ўтказади.
