«ПСЖ» мураббийлар штабида ўзгаришлар юз берди, дея хабар беради RMC Sport. Манбага кўра, парижликлар дарвозабонлар мураббийини алмаштирган.
Маълум қилинишича, март ойида Луис Энрике штабига янги дарвозабонлар мураббийи қўшилган. Тиззасидан жароҳат олган Борха Альварес бир неча ҳафтадан буён клуб базасидаги машғулотларда иштирок этмаяпти ва ўйин олдидан бўладиган чигилёзди машқларида ҳам кўринмаяпти.
Унинг ўрнини Валантен Худу эгаллаган бўлиб, у Николя Кузен билан бирга иш олиб боради. Ушбу мураббий клубни яхши танийди, чунки аввал «ПСЖ» академияси тизимида, жумладан U19 жамоасида фаолият юритган. Ўз навбатида, унинг ўрнини академияда Марк Деларош эгаллайди.













