Италиялик машҳур журналист Жанлука ди Марцио Алессандро Бастонининг Каталониянинг «Барселона» клубига эҳтимолий трансфери борасидаги вазиятга изоҳ берди. У «Интер»нинг талаблари ва «Барселона»нинг айни дамдаги чекланган имкониятлари сабабли ушбу келишув амалга ошишига шубҳа билан қарамоқда.

«Испанияда Бастонига бўлган қизиқишни тасдиқлашмоқда, бироқ у ердаги шартлар «Интер» футболчи билан хайрлашишга тайёр бўлган талаблардан фарқ қилади. «Барса»да юқори маош олувчи ўйинчиларни таклиф қилишда доимо қийинчиликлар бўлган. Шу боис, ҳозирча Бастонини Испания стадионларида кўришимга ишончим комил эмас», — дея журналистнинг сўзларини келтиради fcinter1908.it нашри.

Қизиғи шундаки, айни пайтда ҳам «Интер», ҳам «Барселона» ўз ички чемпионатларида пешқадамлик қилмоқда ва ҳар икки жамоа ҳам таъқибчиларидан етти очко олдинда бормоқда.