«Бавария» бош мураббийи Венсан Компани Чемпионлар лигаси доирасидаги «Реал»га қарши бўлажак ўйин ҳақида ўз фикрларини билдирди.
«Бу баҳсда мутлақо ҳамма нарса аҳамиятга эга бўлади. Мен бу ерда илк бор мураббий сифатида турибман, лекин бизда бундай ўйинлар борасида катта тажриба бор. Баҳс тақдири қисман тактикага, лекин биринчи навбатда — футболчиларнинг индивидуал маҳорати каби майда деталларга боғлиқ бўлади», — деди Компани матбуот анжумани давомида.
«Бавария» сешанба куни, 7 апрель куни «Реал» меҳмони бўлади. Жавоб ўйини 15 апрель куни Мюнхенда бўлиб ўтади. Ушбу жуфтлик ғолиби ярим финалда «ПСЖ» ёки «Ливерпуль» жамоаларидан бири билан тўқнаш келади.
