«Bavariya» bosh murabbiyi Vensan Kompani Chempionlar ligasi doirasidagi «Real»ga qarshi bo‘lajak o‘yin haqida o‘z fikrlarini bildirdi.
«Bu bahsda mutlaqo hamma narsa ahamiyatga ega bo‘ladi. Men bu yerda ilk bor murabbiy sifatida turibman, lekin bizda bunday o‘yinlar borasida katta tajriba bor. Bahs taqdiri qisman taktikaga, lekin birinchi navbatda — futbolchilarning individual mahorati kabi mayda detallarga bog‘liq bo‘ladi», — dedi Kompani matbuot anjumani davomida.
«Bavariya» seshanba kuni, 7 aprel kuni «Real» mehmoni bo‘ladi. Javob o‘yini 15 aprel kuni Myunxenda bo‘lib o‘tadi. Ushbu juftlik g‘olibi yarim finalda «PSJ» yoki «Liverpul» jamoalaridan biri bilan to‘qnash keladi.
