Чоршанба куни «Барселона» Чемпионлар лигаси 1/4 финали доирасида ўз майдонида «Атлетико»ни қабул қилади. Каталонияликлар вингери Рафинья яқинда Бразилия терма жамоаси ихтиёрида олган жароҳати сабабли «кўк-анорранглилар»га майдонда ёрдам бера олмайди.
AS нашрининг хабар беришича, Рафинья чоршанба куни кийиниш хонасида жамоа билан бирга бўлади. Бразилиялик футболчи сардор ва етакчи сифатида шерикларини руҳлантирмоқчи.
Жароҳат олганидан сўнг, Рафинья Ханс-Дитер Фликнинг рухсати билан бир муддат Бразилияда оиласи даврасида бўлди. Шунга қарамай, у аллақачон Барселонага қайтиб келган.
Эслатиб ўтамиз, ўтган дам олиш кунлари «Барселона» Испания чемпионати доирасида сафарда «Атлетико»ни 2:1 ҳисобида мағлуб этган эди.
