«Реал Мадрид» ярим ҳимоячиси Федерико Вальверде ўзи кийиб юрган рақамнинг аҳамияти ҳақида тўхталиб ўтди. Аввалроқ клубда 8-рақам германиялик афсона Тони Кроосга тегишли эди. Вальверде дастлаб бу рақамни олишни истамаганини таъкидлади.
«Рафиқам билан бу рақамни кийишни истамаслигим ҳақида гаплашгандим. Бу биринчи навбатда унинг аввалги эгаси Тони [Кроос]га бўлган ҳурматимдан эди. Агар менинг хоҳишимга боғлиқ бўлганида, клубда шунчалик кўп нарсага эришган ва ўзидан ўчмас из қолдирган ҳар қандай футболчининг рақамини NBAдаги каби муомаладан чиқарган бўлардим. Тони бу рақамни кийган охирги инсон бўлиши ва бу рақам абадий эъзозланиши керак эди.
Рафиқам эса бу рақамни кийишим кераклигини, бунга лойиқ эканлигимни айтиб, мени кўндира олди. Қачонки Тонининг ўзи ҳам оқ фотиҳа бергач, албатта, ўзимни анча хотиржам ҳис қилдим ва ўзимга бу менинг вақтим эканлигини, ҳар куни машғулотларга орқамда шу рақам билан тушаётганимдан завқланишим кераклигини айтдим. Ҳар бир ўйинга худди охиргисидек ёндашаман. Тўғри, бошида қийин бўлди, лекин бунга арзийди», — дея Вальверденинг сўзларини келтирмоқда ESPN.
