"Бавария" бош мураббийи Венсан Компани Мануэль Нойерни тарихдаги энг яхши дарвозабон деб ҳисоблаши ҳақидаги саволга жавоб берди. Мюнхенликларнинг 40 ёшли сардори "Реал" Мадридга қарши кечган Чемпионлар Лигаси чорак финалининг дастлабки ўйинида 9 та зарбани қайтариб, учрашув қаҳрамонига айланди.
Ўйиндан сўнг журналистлар Компанидан Нойер барча даврларнинг энг яхши голкиперими деб сўрашди.
"Сиз туфайли менда Тибо Куртуа билан муаммолар келиб чиқиши мумкин, ваҳоланки мен уни ҳам жуда қаттиқ ҳурмат қиламан. Эшитинг, ҳар кимнинг ўз фикри бўлиши мумкин, аммо жуда кам сонли инсонлар Нойер билан тенглаша олади. У жуда узоқ вақтдан бери энг юқори даражада ўйнаб келмоқда, бундай натижа эса фақат саноқли кишиларгагина насиб қилади", — деди Компани матбуот анжуманида.
Учрашув "Бавария"нинг 2:1 ҳисобидаги ғалабаси билан якунланди.
