«Бавария» вингери Луис Диас Чемпионлар Лигаси 1/4 финалида «Реал» устидан қозонилган ғалаба (2:1) ҳақида фикр билдирди.

«Ўйлайманки, биз ўзимиз хоҳлаган натижага эришдик, аммо майдонни яна камида битта гол уришимиз мумкин эди деган ҳиссиёт билан тарк этмоқдамиз. Бизда вазиятлардан фойдаланиш учун имкониятлар бўлди. Хатоларни таҳлил қилишимиз ва кейинги ўйингача уларни тузатишимиз керак.

Бу қийин ўйин бўлди. «Реал» ўз уйида жуда кучли эканлигини билардик. Улар яхши ўйин ўтказишди, айниқса биринчи бўлимда. Ҳар икки жамоада вазиятлар бўлди. Иккинчи бўлимда биз ўйинни бироз кўпроқ назорат қилдик ва ўйлайманки, агар имкониятларимиздан фойдаланганимизда, уйга анча қулайроқ устунлик билан қайтган бўлардик. Жавоб учрашувига тайёр бўлишимиз лозим.

Биз ўзимизнинг энг яхши футболимизни кўрсатишга ҳаракат қиляпмиз. Ҳар бир ўйин ҳар хил кечади. Бизда ажойиб жамоа борлигига ишончни сақлаб қолиш муҳим ва қўйилган мақсадларга эришиш учун ишлашда давом этамиз», – деди Диас.