«Bavariya» vingeri Luis Dias Chempionlar Ligasi 1/4 finalida «Real» ustidan qozonilgan g‘alaba (2:1) haqida fikr bildirdi.

«O‘ylaymanki, biz o‘zimiz xohlagan natijaga erishdik, ammo maydonni yana kamida bitta gol urishimiz mumkin edi degan hissiyot bilan tark etmoqdamiz. Bizda vaziyatlardan foydalanish uchun imkoniyatlar bo‘ldi. Xatolarni tahlil qilishimiz va keyingi o‘yingacha ularni tuzatishimiz kerak.

Bu qiyin o‘yin bo‘ldi. «Real» o‘z uyida juda kuchli ekanligini bilardik. Ular yaxshi o‘yin o‘tkazishdi, ayniqsa birinchi bo‘limda. Har ikki jamoada vaziyatlar bo‘ldi. Ikkinchi bo‘limda biz o‘yinni biroz ko‘proq nazorat qildik va o‘ylaymanki, agar imkoniyatlarimizdan foydalanganimizda, uyga ancha qulayroq ustunlik bilan qaytgan bo‘lardik. Javob uchrashuviga tayyor bo‘lishimiz lozim.

Biz o‘zimizning eng yaxshi futbolimizni ko‘rsatishga harakat qilyapmiz. Har bir o‘yin har xil kechadi. Bizda ajoyib jamoa borligiga ishonchni saqlab qolish muhim va qo‘yilgan maqsadlarga erishish uchun ishlashda davom etamiz», – dedi Dias.