«Бавария» ҳужумчиси Харри Кейн Чемпионлар Лигаси 1/4 финалининг дастлабки учрашувида сафарда «Реал» устидан қозонилган ғалабадан (2:1) мамнун.
«Атрофдаги барча шов-шувлар, Мадридга келиб натижага эришишга бўлган уриниш – бу доим қийин.
Бизда яхши вазиятлар бўлди, аммо рақибни ҳам тан олиш керак – уларда ҳам имкониятлар етарли эди. Жавоб ўйини олдидан бу ғалабадан жуда мамнун бўлсак арзийди.
Биз биргаликда чиндан ҳам ажойиб лаҳзаларни бошдан кечирдик. Ҳозир мавсумнинг ҳал қилувчи палласи. Қанча кўп бирга ўйнасак ва машғулот ўтказсак, ўзаро тушуниш ва боғлиқлик шунчалик кучайиб боради. Биз доимо хавф сола олишимизни ҳис қиламиз ва гол уришимизга ишонамиз.
Ҳозир яхши ҳолатдамиз, лекин диққатни жамлашимиз керак. Энди тикланиб олишимиз лозим ва кейинги ҳафтада ушбу муваффақиятни такрорлашга ҳаракат қиламиз», – деди инглиз футболчиси «TNT Sports» эфирида.
